Dull Atal Cenhedlu Misol
Cylch geweiniol atal cenhedlu
Cylch bach plastig, meddal, tua 4mm o drwch a 5.5cm o ddiamedr yw’r cylch gweiniol. Mae’n cael ei osod yn y wain (fagina) am 21 diwrnod lle mae’n rhyddhau dau hormon – estrogen a progestogen. Mae’r rhain yn debyg i’r hormonau naturiol a gynhyrchir gan yr ofarïau ac maent fel y rhai a ddefnyddir yn y bilsen gyfun.
Effeithiolrwydd: Mae’r cylch yn effeithiol iawn pan gaiff ei ddefnyddio’n berffaith. Mae 99% yn sicr o atal beichiogrwydd â defnydd perffaith a 91% yn sicr â defnydd nodweddiadol.
Cofio’n rheolaidd: Rhaid i chi dynnu’r hen gylch allan a rhoi un newydd i mewn bob mis, gan adael bwlch o 7 diwrnod ar gyfer eich mislif.
Mislif: Gan ddibynnu sut rydych yn defnyddio’r cylch gweiniol atal cenhedlu, gall wneud eich mislif yn fwy rheolaidd, yn ysgafnach ac yn llai poenus, neu gall eich mislif stopio’n gyfan gwbl. Gallai helpu â symptomau cyn mislif.
Amddiffyn rhag STIs: Nac ydy. Defnyddiwch gondomau allanol neu gondomau mewnol i helpu i amddiffyn eich hun rhag STIs.